Sjálfsstyrkingarhornið

Fyrr í þessum mánuði ritaði ég pistil sem bar sömu yfirskrift og þessi hér. Þessi pistill hjálpaði fjölmörgum og jafnvel maður með brúnan bréfpoka á Hlemmi tók í spaðann á mér um daginn og sagði: "akkurat það sem ég var að hugsa".
Ég held að einn, tveir eða jafnvel fleiri félagarnir hafa fengið að finna fyrir því síðastliðinn mánuð hvernig það er þegar á móti blæs en "eigi skal gráta Björn bónda, heldur safna liði" (þessi setning átti bara svo vel við -hehe!!). Því ætla ég að kenna ykkur (og fleirum velunnendum félaga sukkabara sem lesa þessa síðu) hvernig fara eigi að því að byggja aftur upp gott sjálfstaust, það þarf aðeins að fylga þessu einfalda þrepa programmi og að því loknu ættu allir vegir að vera færir:

1. Taka skal ofgnótt af áfengi með sér á AA - fund sötra það hægt og rólega, finna vínandann streyma hægt um vitundina, hætta síðan að drekka þegar maður er orðin temmilega fullur og eiga NÓG áfengi eftir(þetta lykillinn i meðferðinni).
Tilgangur: vellíðan og sjálfstraustið eykst til muna þegar maður hlustar á ræður um að einhver gat ekki látið undan óhóflegri drykkju - sem þú varst einmitt að gera.

2. Reykja skal einn pakka í návist STÓR - reykingarfólks (best ef þau öll eru að reyna að hætta), tala síðan um það að á morgunn verður dagurinn sem þú hættir að reykja, hættu að reykja og talaðu um það látlaust hversu auðvelt það er að hætta að reykja og fólk sem getur ekki hætta að reykja skortir alla sjálfstjórn.
Tilgangur: þarna færðu hóp af fólki til að dýrka þig og dá fyrir að geta eitthvað sem þau geta ekki - VARÚÐ líklegt að þau fylgi þér í einu og öllu (eins og sértrúasöfnuður, þar sem þú ert jesús). ég held þó að jesús hafi ekki skort sjálfstraust ...????

3. Skráðu þig í Íþróttafélag fatlaðra.
Tilgangur:held að hann skýrir sig nú allveg sjálfur - svo er alltaf gaman að geta sagt að maður hafi komist á ólympíuleikana.

4. Sóttu tíma á framhaldsskólastigi í því fagi sem þú leggur stund á í háskólanum. Vertu síðan besserwisser, leiðréttur kennarann í sífellu og bættu við auka fróðleik. Þegar kennarinn spyr hvernig vissuru þetta? svarðu þá " ég helt að allir vissu þetta" eða "bara". Gaman er líka ef þú kemur kennaranum til að gráta.
Tilgangur: að finna fyrir gáfum og vera hataður af bekkjasystkinum fyrir að vera klárari.

5. Farðu í ökutíma, keyrðu hratt, öruggt og glannalega.
Tilgangur: það rifjast upp fyrir þér hversu lélegur ökumaður þú varst þegar þú byrjaðir að læra og hversu góður ökumaður þú ert orðinn - ekkert mál að kúpla!!!

6. Ekki skrá þig í IDOL.
Tilgangur: flestir syngja illa, flestir gera sér ekki grein fyrir því hversu illa þeir syngja og ef þú ert einn af örfáum sem kannt að syngja eru stórar líkur að þú hafir rangt fyrir þér. Þannig að haltu þér sem lengst frá þessari niðurrifs starfsemi.

7. Keyptu verðlaunagripi - búðu síðan til keppnir í þeim greinum sem þú ert ágætlega góð í bjóddu svo fólki á mótið (ég vil ítreka það að þú ert sá sem bíður á mótið og þú ert sá sem býrð til reglurnar). Þegar verðlaunagripirnir er orðnir þínir, stilltu þeim þá upp á stórri hilli (einnig mikilvægt að verðlaunagripirnir séu stórir).
Tilgangur: í hvert skipti sem þú horfir á gripina rifjast upp fyrir þér hversu sætur sigurinn er.

8. Heimsóttu "vinsælu" krakkana sem voru með þér í grunnskóla út í Nóatún, á næsta meðferðarheimili eða farðu á busadag í FÁ.
Tilgangur: bæði gaman og sjálfstyrkjandi


Vona að þetta muni hjálpa, félagi Sukkabari, Blindan